"سهلام نهباتی" و "جهمشید بههرامی" دوو خوێندکاری مهریوانی که ڕۆژی۱۷ی ڕیبهندان به دهستی هێزهکانی ئیتیلاعاتی مهریوان دهستگیر کرابوون دوانیوهڕۆی ئهمڕۆ به بارمتهی ۲۰ ملیۆن تمهنی ئازاد کران.
تۆمهتی ئهم دوو خوێندکاره وهکوو زۆرێک له گیراوه خوێندکاریهکانی تر "ههڵوێست دژی ئاسایشی گشتی" ناوزهد کراوه. بڕیاره ڕۆژی چوارشهمه دانیشتنی"تهفهیم ئتهام" ی نهباتی و بههرامی بهڕێوه بچێت.
ئهمڕۆ شهممه ۲۷ی ڕێبهندان هیوا بووتیمار چالاکی مهدهنی بۆ جاری دوهم دادگایی کرایهوه.
هیوا بووتیمار چالاکی مهدهنی له ڕێکهوتی ۲۶/۴/۸۶ دا له لایهن شوعبهی یهکی دادگای شاری مهریوانهوه به دادوهری دادوهر سوڵتان بهخش بڕیاری له سێدارهدانی بۆ دهرکرا. بهڵام دواتر له دیوانی باڵا، بڕیاری له سێدارهدانهکهی ڕهت کرایهوهو بۆ دادگایی کردنهوهی دووباره نێردرایهوه بۆ مهریوان.
کاتژمێر ۹.۴۵ ی بهیانی دانیشتنی دادگایی بووتیمار به ئاماده بوونی پارێزهرهکهی موحهمهد ساڵهحی نیکبهخت و به دادوهری حامێدی سوڵتان بهخش دهستی پێکردو له نزیکهی کاتژمێر ۲ی دوانیوهڕۆ دا کۆتایی پێ هات.
هــۆگـۆ چاوز، مهحموود ئهحمهدی نهژاد، جهلال تاڵهبانی
سێ سهرۆک کۆمار که بهرپرسی وتهی خۆیان نین!
بهشی دوهمی ڕاپۆرتهکهی فهرزانه ڕووستایی له سهفهری پێنج ڕۆژهی دا بۆ باشووری کوردستان.
"اعتماد" ژماره ۱۶۱۲، ۲۱ی ڕێبهندان - لاپهڕهی ۱۳
ڕووستایی له بهشی دوهمی ڕاپۆرتهکهیدا له پێشدا باسی ههبوونی تورکیه له شوێنه جۆراوجۆرهکانی باشووری کوردستان دهکات؛
ــ کۆمپانیایهکی تورکی سێ ساڵ لهمهو پێش فڕۆکهخانهی ههولێری کردوهتهوه. ههموو بهنێرهکانی ناو فڕۆکهخانهو ههر وهها زۆربهی بهنێرهکانی ڕێگهی فڕۆکهخانه تاکوو سنووری عهراق، تورکیهو سووریه واته گومرکی ئیبراهیم خهلیل پڕوپاگهندهی کهل و پهلی تورکی له سهر دایه.
ــ سنووری ئیبراهیم خهلیل شاڕهگی سهرهکی ئابووری کوردستانی عهراقه... ههر کات کێشهیهکی سیاسی له نێوان تورکیهو کوردستانی عهراقدا دروست دهبێت بهر پرسانی تورکیه ههڕهشهی داخستنی سنووری ئیبراهیم خهلیل له کوردهکان دهکهن.
دواتر ڕووستایی باسی دابهش کردنی بوودجهی حوکوومهت دهکات؛
ــ عهدنان موفتی: پارلهمانی عهراق نزیکهی ۱۷٪ بودجهی عهراق دهدات به کوردستان، ۷۰٪ ئهم بودجهیه (۱۷٪) دهدرێت به مهعاش گرهکانی دهوڵهتی که بریتین له پێشمهرگهکان، کارمهندانی دهوڵهتی و بنهماڵهی ئهو کهسانهی له شهڕهکاندا کوژراون. له زۆر کاتدا ئیشگهلێکی مهجازی یان ئیشی به ڕواڵهت و نهبوو بۆ خهڵک پێناسه دهکهن لهبهر ئهوهی که مهعاشی مانگانهیان بهر بکهوێت. بۆ نموونه قوتابخانهیهک ههبوو ۱۷ فهڕاشی بۆ دانرابوو که ههر ۱۷ کهیان مانگانه مهعاشیان وهر دهگرت ئهمه له کاتێکدایه که ئهم قوتابخانه چکۆله تهنها ۲۰ قوتاببی ههبوو.
لێرهدا دوو شت شایانی سهرنجه؛ ۱- نووسهر وشهی شههید به کار نابات! بۆچی له جیاتی ئهوهی بڵێ "بنهماڵهی ئهو کهسانهی له شهڕهکاندا کوژراون" ناڵێ " بنهماڵهی شههیدان"؟! ۲- ئهو قوتابخانهیه باسی دهکات که گوایه ۱۷ فهڕاش و ۲۰ قوتابی ههیه له کام گهڕهکدایه؟ شتێکی ئاوهها دهگمهن و سهرسووڕ هێنهر شایانی ئهوه بوو ئادرهسی تهواوی بۆ بنووسیایهت. ئهگهر ئاوا قوتابخانهیهک ههیه.
ڕووستایی له بهشێکی تری ڕاپۆرتهکهدا هێرش دهکاته سهر مام جهلال و مهسهلهی بڕیارنامهی ئهلجهزایر دههێنێتهوه بهرۆ؛
ــ ڕۆژێک دوای ئهو وتانهی جهلال تاڵهبانی (سهبارهت به بهتاڵ کردنهوهی بڕیارنامهی ئهلجهزایر) له کاتێکدا ئهرتهشی تورکیه گوندهکانی باکووری عهراقی تۆپ باران دهکرد، دیدارێکمان له گهڵ عهدنان موفتی سهرۆکی پهرلهمانی کوردستانی عهراق ڕێک خست. عهدنان موفتی نهیدهویست سهبارهت بهو پهنهی جهلال تاڵهبانی داویهتی بدوێت. بهڵام کاتێ زۆر له سهری ڕۆیشتین بۆمان دهرکهوت که تهنانهت ئهویش وتهکانی تاڵهبانی به جیدی نهگرتوه.
له کۆتاییشدا ڕووستایی هۆگۆ چاوزو ئهحمهدی نهژادو مام جهلال دهخاته یهک ڕیزهوه؛
ــ به عهدنان موفتی وترا که له دونیادا دوو سهرۆک کۆمار ههن که خاوهنی وتهی خۆیان نین. یهکیان هۆگۆ چاوز سهرۆک کۆماری ونئۆزیلایه... به سهرۆک پهرلهمانی کوردستانی عهراقم گوت ئایا جهلال تاڵهبانی سهرۆک کۆماری کوردی وڵاتی عهراق ئهیهوێت کهسی سێیهم بێت که بهرپرسیارهتی وتهکانی خۆی ناگرێته ئهستۆ؟
نووسهر ناوی کهسی دوهم که مهبهستی مهحموودی ئهحمهدی نهژاد سهرۆک کۆماری ئێرانه نابات، بهڵام کورد بوونی جهلال تاڵهبانی زهق دهکاتهوه. لێرهدا به باشی دهردهکهوێت که ڕووستایی مهبهستی تهنها گاڵته کردن به جهلال تاڵهبانی نیه بهڵکوو مهبهستی سهرهکی ئهو تیتاڵی کردنه به کورد وهک سهرۆک کۆمار. وهک بڵێی بیهوێت دهریبڕێ که؛ کوردو سهرۆک کۆمار؟!!!
شوناسی کوردی له ژێر پرسیاردا...
ڕۆژنامهی "اعتماد" له ژمارهی ۱۶۱۱ - شهممه ۲۰ی ڕێبهندان- له لاپهڕهی ۱۷ وتارێکی له ژێر ناوی "زاراوهگهلی ئهسفههانی کوردستانی عهراق" به قهڵهمی فهرزانه ڕووستایی چاپ کردوه.
ئهم نووسراوهیه ڕاپۆرتی پێنج ڕۆژهی نووسهره بۆ باشووری کوردستان. به گشتیی نووسهر باسی ئهوه دهکات که له باشووری کوردستان کهلتووری ئێرانی زاڵهو کوردهکانیش بۆ خۆیان زۆریان حهز له کهلتووری ئێرانی دهکهن. بۆ نموونه دهڵێ: " شوناسێک که ئهمڕۆ له کوردستانی عهراق دروست بوه یان له دروست بوون دایه تێکهڵهیهک له کهلتووری ئێرانی، تورکی عهرهبیه، بهم حاڵهشهوه ئێرانیچێتی و حهز کردن به کهلتووری ئێرانی ههموو کات کاریگهری ههبوه له سهر پێناسهی کوردهکان له کهلتوور، لانی کهم زۆربهی بهرپرسانی دهوڵهتی سهربهخۆی کوردستان دان بهمهدا دهنێن.
نووسهر بهمهشهوه ناوهستێت و دواتر له زاری سهرۆ قادر بهرپرسی فهرههنگی پارتی دیموکراتی کوردستانهوه زمان بوونی کوردی دهخاته ژێر پرسیار؛
ـــ ... ئێمه دهگهڵ عهرهب و تورک هیچ جۆره لێکچوونێکی زمانهوانیمان نیه، ئهمه له کاتێکدایه که ۷۰ له سهدی وشهکانی ئێمه فارسین.
سهرنج بده ناڵێ وشهکانی ئێمه هاوبهشن دهڵێ وشهکانی ئێمه فارسین. ئیتر نازانم زمانێک ۷۰ له سهدی وشهکانی هیی زمانێکی تر بێت چۆن پێی دهڵێن زمان؟!
دواتر نووسهر دیسان له زاری سهرۆ قادرهوه دهڵێ: ئێران، ئهفغانستان، تاجیکستان و کوردستانی عهراق بازنهیهکی زمانهوانی هاوبهشیان ههیهو وهک چۆن فهرانسه له ههوڵی پهرهپێدانی زمانی فهرانسهویه له ناوچه کهلتووریهکهی خۆیدا، دهوڵهتی ئێرانیش وهکوو ناوهندی کهلتووری ئهبێ ئاوهها کارێک بکات. ... سهرۆ قادر باوهڕی وایه کوردهکان به جۆرێک له جۆرهکان خۆیان به بهشێک له کهلتووری ئێرانی دهزانن.
ڕووستایی: زۆربهی ڕێبهرانی سیاسی دهوڵهتی سهربهخۆی کوردستانی عهراق ساڵانێکی زۆر له ئێران ژیاون. مهسعوود بارزانی، جهلال تاڵهبانی و دهیان ڕێبهری سیاسی تری کوردستانی عهراق لهو کهسانهن. مناڵانی زۆرێک لهوان له ئێران له دایک بوون و گهورهش بوون. زۆربهی ئهو گهنجانه ئێستا زمانی فارسی زۆر به خاوێنی قسه دهکهن.
ڕووستایی پێی سهیره که له شارهکانی باشوور گۆرانی و مۆسیقای کوردی له دووکانهکاندا بڵاو دهبێتهوه بۆیه دهڵێ؛ کاتێ له شهقامهکانی ئهم شارانه تێپهڕ دهبیت وادهزانی های له سنه یان یهکێک له شاره(کوردیه)کانی ئێراندا. نووسهر به نووسینی ئهم پێشهکیانه ڕێگه بۆ وتهیهکی سیاسی تایبهت خۆش دهکات، ئهویش ئهوهیه که باوهڕی وایه ئهبوایه ئێران له باشووری کوردستان جێگهیهکی زۆرترو پتهوتری ههبوایهت؛
ـــ خهڵکی ئێران له درێژهی ساڵانێکی زۆردا گهلێ باجیان داوه له پێناو لایانگری کوردهکانی عهراقداو چاوپۆشی له کهڵک وهرگرتن لهم باجانه ههڵهیهکی مێژووییه.
ـــ له زۆرێک له شارهکانی کوردستان عهراقدا نهک هیچ کهلوپهلێکی ئێرانی نابینی بهڵکوو هیچ ناوهندێکی کهلتووری ئهکتیڤ یان کۆلێژی زمانی فارسی نیه.
ڕووستایی نهبوونی کهلوپهلی ئێرانی و نهوتنهوهی وانهی زمانی فارسی وهکوو شتێکی نگێتیڤ بۆ کوردهکان و له کیس چوونی دهرفهتێک بۆ ئێرانیهکان دهبینێت. له کۆتاییدا نووسهر هۆی ههڵبژاردنی سهردێڕی ڕاپۆرتهکه (زاراوهگهلی ئهسفههانی کوردستانی عهراق) دهردهخات؛
ـــ عومهر بارزانی یهک له ئامۆزاکانی مهسعوود بارزانی نزیکهی ۲۰ ساڵ له ئهسفههان ژیاوه، شهش کچ و کوڕهکهی که له نێوان ۱۵ تا ۳۱ ساڵ تهمهنیانه ههموویان به زاراوهی ئهسفههانی فارسی قسه دهکهن.
بڵاو کردنهوهی وردهنان و خواردهمهنی تر بهسهر پهلهوهرو ئاژهڵانی زرێباردا...
دوانیوهڕۆی ئهمڕۆ ههینی، له ههڵمهتێکی مرۆڤانهدا، "ئهنجومهنی سهوزی چیا" دهستی دایه بڵاو کردنهوهی ورده نان و خواردهمهنی تر له زهلکاوه یهخ بهسراوهکانی قهراخ زرێبار دا.
لهم ههڵمهتهدا لایانگرانی سروشت و ئاژهڵان، له پێشدا لای پارکی شارهداریهوه بهرهو یهخهکهی زرێبار چوون و دواتر له بهر ئاوایی کۆڵانهوه داگهڕانه خوارێ و دواتریش له بهر ئاوایی دهرهتفێ ورده نان و سهوزی و خواردهمهندی تریان له گوێ ئاوهکاندا بۆ پهلهوهرو ئاژهڵهکانی زرێبار بڵاو کردهوه.
شایانی باسه له زستانی ئهمساڵدا ئهمه بۆ جاری سێیهمه که ئهنجومهنی سهوزی چیا ئاوا کارێک ڕێک دهخات.
کاتژمێر ۶ی سهرلهبهیانی ئهمڕۆ هێزهکانی ئیتیلاعاتی مهریوان دهڕژێنه ماڵی دوو شانۆکاری مهریوانی و ڕهوانهی شوێنێکی نادیاریان دهکهن. "جهمشید بههرامی"، شانۆکار، خوێندکاری بهشی هونهر له زانکۆیهکی تهورێزو خاوهنی وێبلاگی دهنگ، ههر وهها "سهلام نهباتی"، شانۆکارو خوێندکاری بهشی دهروون ناسی زانکۆی پهیام نووری مهریوان، دوو دهستگیر کرداوی سهرلهبهیانی ئهمڕۆ تا ئێستا دهرنهکهوتوه که بۆ کوێ براون.
له لاپهڕهی ۵ ی ڕۆژنامهی "اعتماد" ی ژماره ۱۶۰۶ (یهکشهممه ۱۴ ڕێبهندان) دا له بهشێکدا به ناوی "ڕوانینێک بۆ ڕابردوو له ئهمڕۆدا"، وتارێک به قهڵهمی نهوشیروان کهیهان زاده له ژێر ناوی "سلێمانیش له دهست دهر چوو" چاپ کراوه. وتارهکه باسی ئهوه دهکات که ناوچهی سلێمانی له سهردهمی موحهمهد شای قاجاڕدا بهشێک بوه له خاکی ئێران و دواتر به ئیزنی دهوڵهتانی بریتانیاو ڕووسیا خراوته ژێر دهسهڵاتی عوسمانیهکان.
کهیهان زاده دواتر دهڵێ: کۆماری تورکیا تا ئێستا چهندین جار داخوازی ناوچهی پڕ له نهوتی سلێمانی کردوه، {له بهر ئهوهی که} دانیشتوانی ئهم ناوچهیه به زۆربه تورکمانن.
سهرله ئێوارهی ڕۆژی ڕابردوو له نزیک سێڕای بێلوو (ئاواییهک له ۱۵ کیلۆمهتری مهریوان) - له نێوان ئهسێرهکهو کارخانه ماسهکه- ماشینێکی پهیکان که دوو کهسی تێدا دهبێت، دهدرێته بهر دهست ڕێژی هێزهکانی ئیتیلاعاتی مهریوان و ئهو دوو کهسهی تێیدا دهبن ههر لهوێدا گیانی خۆیان له دهست دهدهن.
ماشینهکهی ئهو دوو کوژراوه به جهرسهقیل گواستراوهتهوه بۆ بینای ئیتیلاعاتی شاری مهریوان. تا ئێستا کهس ئاگادار نیه که دوو کهسه خهڵکی کوێ بوون و ناویان چی بوه.
